银行唔借钱 楼市想升都难

在香港与美加买楼，在签临约时有多少不同，香港会在临约写明以正式合约为基准 subject to contract ，在美加就会写subject to finance ，如果银行唔批，买家有权唔买，不过，现在香港买楼，可能要加埋subject to finance ，因为银行随时唔批，甚至唔批多过批，搞到要被业主杀订以及赔佣金俾代理，咁就唔值得。

有人话香港经济其实唔错，有很多新股上市，IPO全球第一，股市亦上升，优质人口增加，资产管理又超越新加坡，估计在2030年超越瑞士，成为全球资产管理最多地区，有咁多利好因素，楼市点解唔升，其实，理由很简单，就是香港银行唔借钱俾人买楼，就算有无数利好因素，楼市都唔会升。

有人话银行唔借钱俾人买楼，真系一百岁唔死都有新闻听，银行家话睇唔好楼市，所以唔借钱俾人买楼，其实，如果真系睇唔好楼市，更加要借钱俾人买楼，一个人如果欠银行一亿元，抵押物业也是一亿元，有人愿意出一亿元买入那个抵押物业，但银行话睇唔好楼市，所以唔做按揭，其实，如果睇唔好楼市更加要做按揭，因为新买家最多能够借五千万，换句话说，同一个抵押品，银行只是借出五千万，大幅降低一半，风险自然减低，所以，银行话因为楼市有风险而唔借钱俾人买楼是讲唔通，真正原因要问银行家才知道。

各区放盘应有尽有