銀行唔借錢 樓市想升都難

有人話香港經濟其實唔錯，有很多新股上市，IPO全球第一，股市亦上升，優質人口增加，資產管理又超越新加坡，估計在2030年超越瑞士，成為全球資產管理最多地區，有咁多利好因素，樓市點解唔升，其實，理由很簡單，就是香港銀行唔借錢俾人買樓，就算有無數利好因素，樓市都唔會升。

有人話銀行唔借錢俾人買樓，真係一百歲唔死都有新聞聽，銀行家話睇唔好樓市，所以唔借錢俾人買樓，其實，如果真係睇唔好樓市，更加要借錢俾人買樓，一個人如果欠銀行一億元，抵押物業也是一億元，有人願意出一億元買入那個抵押物業，但銀行話睇唔好樓市，所以唔做按揭，其實，如果睇唔好樓市更加要做按揭，因為新買家最多能夠借五千萬，換句話說，同一個抵押品，銀行只是借出五千萬，大幅降低一半，風險自然減低，所以，銀行話因為樓市有風險而唔借錢俾人買樓是講唔通，真正原因要問銀行家才知道。