天后APPLE SOLO 行街Guide
除了大型購物商場可以Shopping之外，天后APPLE SOLO一樣得。天后SOLO齊集流行時尚、各類精品雜貨、以及專營獨特產品，唔想「走寶」，立即去行街Guide喇！
天后作為中產小區，區內消費力強。天后APPLE SOLO喺區內一個購物嘅好地方，無論潮流服飾店、扮靚美容修甲店、專營售賣巴士玩具、古董集郵，日式雜貨精品，以及專營砌模型交流店，通通都有。每間店主都非常重視自己嘅專業，同客戶親切交流，貼心服務，儲落唔少回頭客。
「巨匠皮藝」(JAIRUS.G)係一間時裝皮革店，負責人Gloria表示，自己從事皮革行業好多年，主力售賣皮革服飾及手袋。喺APPLE SOLO開業，就係睇準區內嘅消費力，客源主要係講求品質嘅街坊。Gloria用一雙巧手為客戶度身訂做皮革產品，甚至將產品外銷到澳洲、意大利。直言能夠掌握客戶的品味，製作獨特又高質嘅產品，憑呢份人情味，足以令已移居海外嘅客戶都返嚟同佢訂製產品。
實體店能夠接觸客戶之餘，Gloria亦開始將業務拓展至線上，促銷耐用又時尚嘅皮革產品，讓客戶在任何時候，都可以享受購物樂趣。
店內皮革製品唔少係自家製，款式獨特。
另一間看似平平無奇嘅模型小店，店內其實放咗過百件大大少少、唔同種類嘅模型，無論高達、樂高及中古玩具通通都有，有啲模型仲係VINTAGE款式。店主阿明自小已鍾情砌軍事模型，咁多年來儲埋唔少模型寶貝，由於數量實在太多，以前一直擺喺迷你倉內，直至近年才開實體鋪放晒喺櫥窗。
阿明覺得蘋果商場管理完善，環境舒適，所以決定喺度開業。當大家以為店舖好細，只容納一枱兩櫈，呢度反而係店主不分晝夜瘋狂砌模型嘅「工作間」，亦是一班志趣相投師兄弟交流切磋嘅聚腳點。另外，APPLE SOLO交通非常方便，亦係網客交收好地方，呢個優勢就是區外客人願意嚟到尋寶嘅原因。店主話，唔好睇小依區客戶嘅消費力，有時都會出現意想唔到嘅賬單收穫，仲可以喺呢度搵到無價嘅「心頭好」。
模型店集合工作間、零售、交流切磋一舉幾得
店內櫥窗放滿咗「傑作」
店主阿明覺得寬敞的行人通道，行街都行得輕鬆
場內仲有一間巴士迷不可錯過嘅「巴士博物館」MSD，店內有唔同年代、款式及型號的迷你巴士，就好似置身「博物館」。老闆Jacky覺得商場租金實惠，可以有效控制創業成本，因而落戶天后。而且場內店舖面積組合彈性，由初時30呎小店擴充到依加百幾呎，仲租多個舖位儲存貨品。
Jacky話除咗有典型「鐵粉」巴士迷外，仲有街坊同埋居住區內酒店嘅遊客。曾經有一位客戶以大手筆，一次過買咗幾十架巴士，離開時仲用個大箱PACK 走，滿載而歸。
整個商場設計簡約雅緻，寬闊嘅購物通道，仲有個舒適嘅共享空間，有齊梳化同枱，一於嘆杯咖啡休息一下，义足電再血拼。
商場內設有共享空間，行到攰飲杯咖啡，义足電再血拼
共享空間還有枱椅設備
天后APPLE SOLO資料
地址 | 天后英皇道14號 |
5192 3684 | |
| 月租 | 5,000起 |
| 網址 | |
| IG/FB | www.instagram.com/solohkig |
