千奇百趣｜湾仔Woodis超长平台 长过全港最长巴士

如果你屋企有个长达15米嘅户外超长平台，你会点用？体操选手可以日日喺平台打侧手翻；运动型嘅你，可以日日屋企练跑；宠好多毛孩嘅你，畀佢哋有个私家活动区，随时随地自由奔跑嬉戏。又或者整个户外用餐区，闲时招呼亲友去聚餐、烧烤，唔使成日争会所烧烤炉。爱搞花花草草嘅你，来个户外私家园艺区，屋企变花墟。

湾仔两年楼花新盘

闹市嘅新盘，系咪一定又细又屈质？湾仔活道有个新楼盘，平台一啲都唔细，仲大到可以放得落全港最长嘅巴士。呢个新盘叫Woodis，仲系楼花，要2年后先起好。位於湾仔商业核心区，地盘唔够一万尺，以前系上世纪嘅三幢旧楼，恒基地产系2010年开始收购，整合咗7年先统一哂所有业权发展，整个项目可建楼面约8万尺。咁珍贵嘅市区地，会起巨型平台单位？

即睇Woodis销售详情

成幢楼会起167伙单位，有66%系两房单位，即系110伙，实用面积由343至431方尺，系最多户型嘅单位。一房有22伙，实用面积约282方尺。呢两种间隔加埋，占全盘近80%单位。顶楼有三个由540方尺到1,016方尺单位特色单位。锺意户外空间，三楼全层有7个连平户特色户，最大一个平台，有成近千尺。

900几尺私家平台点用好?

三楼全层都系连平台，但平台面积不一，最细平台面积51方尺，最大一个系F室单位，单位在室内面积393方尺，户外尚有个916尺大平台。巨型平台长达15.5米，宽度都近5米，以目前全港最长巴士车身12.8米计，呢个超长型平台，够放全港最长巴士。确实，系闹市有个巨大私家平台，用嚟摆放户外家具、健身器材，或者园艺、养宠物，甚至可打造私人花园，随时随地都可轻松一下。

户外瑜伽、健身区

平日繁忙嘅都市人，就算搵到时间，都可能无空间做运动。呢个大平台会唔会成为户外瑜伽或者健身区？夜晚唔使一定要搵24小时fitness center，足不出户都可以放松下筋骨。体操选手想打侧手翻？根据一般体操同街头表演估计，一个侧手翻大约需要1.5米至2米长。平台有15米长，打10个侧手翻都冇问题。

毛孩私家乐园

宠爱毛孩嘅住户，户外整个宠物活动区，分区放置隧道、跳台、攀爬架等设施，毛孩尽情奔跑嬉戏，磨练体能。主子玩得开心，主人喺户外设置用餐区，同老best齐齐聚餐烧烤，唔一定要北上先至有得玩。除咗毛孩，家中有小朋友，都可以将户外平台打造成私家会所，大人充电，小朋友放电，最啱一家大小嘅最佳位置。

「五门归心」点放家具好?

虽然有个超长平台，除左平台户，其他单位间隔啱唔啱自己，都要细心睇吓。好似分层标准单位，有啲单位间隔「五门归心」，如5楼到12楼，15楼到23楼，25楼到29既C单位，系两房单位，但屋内五度门包括大门，厨房门，厕所门，两间睡房门，都向正客厅，要善用空间，放置家具就比较伤脑筋。

 

即睇全城新盘