投資者現在有錢都唔敢買樓
有老友同我講，樓市飆升只是迴光反照，是一個假象，很快又會再下跌，理由是近日都唔見投資者買樓，反而投資者賣樓的個案不時會出現。由此可見，一個連投資者都不願意落搭樓市竟然會上升是不正常，千祈唔好將一個利淡訊號變成一個利好消息，害了那些初次置業者。
老友知其一不知其二，物業投資者現在不是冇錢，而是要留返一些現金傍身，所以唔敢買樓。老實說，每一個投資者買樓都會向銀行借錢，銀行批得出本來是沒有問題，但去年下半年開始，財經界，地產界有不少專業人士不斷唱淡樓市，包括發出估價報告的測量師，銀行收到估價報告之後會權衡輕重，有很大機會向客戶追收差額，有經驗的物業投資者當然知道銀行取態，又點會現在買樓，就算銀行願意借錢都唔會買，但如果確認樓市回升，銀行追差額的壓力大減，到時才會考慮，沒有最大競爭對手，現在是有需要買樓的人好時機，千祈唔好錯誤解讀，以為投資者睇淡樓市唔敢買樓。
| 要咩有咩，各類特色屋苑即時睇 |
