六月樓股熱潮持續

無視經濟低沉還未過去，樓市股市照樣炒上。現時資金多，貨源歸邊。相信樓股高潮仍可維持，搭順風車的人要懂得落車。保得資金在手，可以多玩數回合。

投資界炒加息，推低股市二天。又掉頭炒經濟復甦，將港股推上19000點水平。港股上落一千到二千點是閑事，升市有道理，跌市又有道理。查實升跌都無道理，擺明是資金市，炒上又炒落，一不少心就高位被套。二三線股，已經無人問津。個別板塊，升勢已經停止。熱炒能源或新能源股，燒不到幾周，又告結束，真係講多無謂。

樓市相較股市正常，資金繼續追捧落後屋苑，二三線屋苑呎價亦開始上升。大型藍籌屋苑成交價持續向上，挑戰去年九月金融海嘯時的水平，很快便可以見家鄉。住宅樓市雖熱，但短炒氣氛薄弱，入市主力仍然是用家和收租客。市場傾向持貨保值，睇長線樓價有可觀升幅。

最熱反而是商廈和商舖物業，出現投資者搶貨的情況。資金多，貨源少，求過於供頗嚴重。甚致有業主剛售出物業便後悔，加價向買家回購物業。