樓市即將反彈

港股踏入第二周的反彈，向上迫近一萬五千點的水平。本地樓市亦蘊釀一次明顯的反彈，睇樓量持續增加，低價成交不斷。樓市反彈的條件都已具備，只欠銀行臨門一腳(按揭)。

剛過去的周六日，睇樓的人更多，筆者所居屋苑為例，外出一次，起碼遇上數組睇樓客。有開放日的交吉單位，更是客似雲來，整日穿梭不斷。因為業主普遍調低叫價三成，更接受還價。睇樓客普遍希望執平貨，完業主夢。不單止屋村睇樓客多，連豪宅的睇樓客亦多。豪宅的睇樓客以投資者為主，不是短炒家，而是長線收租客。更有一些低調富豪家族，出動睇貨，以超級豪宅為主。

周六日，十大屋苑買賣只有21宗，較上周微升一成。睇樓大增而成交量未及跟上，因為銀行還未放寬按揭。樓市反彈條件已經具備，成交價已經下跌13%，吸引大量用家和收租客入市睇樓。只欠銀行一關，如果銀行恢復正常按揭，樓市急升彈隨時出現。

本地銀行以拆息偏高為由，拒絕減息，令港息高於美息一厘，引發套息活動。上周五港匯上升至聯匯上限，反映資金流入。金管局再向市場注資，明天銀行結餘上升至343億元。水浸銀行，兼被套息，請問銀行能蝕多久。樓按仍然是最穩健的放款賺息差業務，不放水是銀行自尋死路。