豬流感社會傳染

人類豬流感終於在社區流行，有學校學生集體感染。本地社區爆發，迫在眉睫。如果流感爆發，勢必打擊市民睇樓意欲，令樓市成交暫時冷卻。成交減少，樓價亦難望明顯上升。

今年五月初，豬流感登陸香江。搞到封酒店，將住客隔離七日。同期樓市亦告短暫轉靜，因為市民無必要不會貿然去睇樓。樓市成交轉靜，成交價亦短暫橫行。幸好，證實流感止於外來帶病者，並沒有本地感染個案。恐慌很快過去，市民又恢復睇樓。樓市成交增加，樓價恢復上升。

今翻同校集體感染，是本地社區傳播的開始。政府亦宣佈小學及幼稚園停課二周，不排除中學亦會停課。令人記起03年沙士爆發，全港停課的日子。當時經濟跌至谷底，加上沙士疫症，樓價同樣跌至谷底。

不少人回憶沙士時，都後悔沒有趁樓價谷底入市，錯過樓價回升的大浪。今天流感殺到，樓市不可能獨善。起碼樓價升勢短暫受阻，請問你又是否敢趁機入市，抑制害怕樓價掉頭下挫，不敢貿然買樓呢？