眾所周知，買樓最怕漏水樓，大雨過後正是檢查漏水位的好時機，連場暴雨可起「卸妝」之效，足夠雨量可令漏水位無所遁形。記住，睇樓必睇以下6大滲水位：

1.     牆身：留意離窗戶較遠的牆身或者天花，是否有出現水印、水漬、「起泡」、甩漆，發霉，甚至批盪剝落等。這些情況都可能是外牆日久失修滲水所致，而問題範圍愈大，即滲水問題愈嚴重。

2.     窗邊漆色：窗邊如有滲水，水漬隨年月累積愈久，窗邊油漆顏色就愈深。如有人刻意隱瞞滲水問題，最直接了當就是以漆遮醜，並通常會選用深色油漆，甚至近乎水跡的顏色。如見狀便需格外留神。

3.     傢俬背：好多時放置了傢私或雜物，如梳化、大櫃、屏風等，未必容易察覺牆身滲水，因此可以的話，建議嘗試推開傢俬或雜物，認真檢查一下牆身。

4.     窗戶：滲水好大機會是膠邊老化，當膠邊失去彈性，便會造成窗框與玻璃之間出現縫隙；或是窗戶與牆身之間的防水位失效。

5.     露台：露台或工作平台的落地玻璃趟門，如安裝欠佳、防水措施不理想，甚或老化，都會容易出現滲水問題，造成地板發霉、發黑或谷起。

6.     天井：天井位不起眼，外牆施工質量一般要求較低，打風落雨時天井位外牆有機會滲水，對住廚房及浴室的天井位就最高危。

下次睇樓，可以帶多面長柄小鏡子，便可一併查看外牆有否出現裂紋、空隙及洞孔。