買樓不如買金買股買比特幣

青天話，並不是物業與金股比特幣的比較，而是他們的負債，一般人買金買股買比特幣都唔會問銀行借錢，就算問銀行借錢都是用作短炒，有錢賺一定走，就算冇錢賺都都走，既然冇問銀行借錢，銀行又點會call loan，銀行唔call loan，就算下跌都唔會輸到入肉。

買樓就唔同，買樓除了資產之外，仲買落一筆債，商業物業本來只可以借四成，但銀行見到四成很安全，於是提議客戶可以借多啲，最低限度都可以借多兩成，如果用嚟買金股比特幣就發達，但銀行覺得唔安全，於是提議客戶買債券，最後不少債券清零，客戶的借貸比率由四成上升至六成，適逢樓價下跌，不少持有多個物業的投資者非常頭痛。

住宅物業亦好得好邊，如果是自住的話，可以借足九成，即是買樓之餘，同時買入一筆相等樓價九成債務，債務不會變而樓價會變，當樓價下跌，銀行有權call loan，迫債仔賣樓，不過，銀行亦以大局為重，對於只是持有一個作自住的單位業主，即使資不抵債，只要準時還款，銀行都不會call loan，否則就天下大亂，近年買樓的人遭受雙重損失，除了樓價下跌之外，亦坐唔到金股比特幣上升的順風車，不過世界就是這樣的，三十年河東，三十年河西，最怕就是變軌之後，樓價上升，金股比特幣下跌。