息魔贴胶布

专家分享 - 价势堂 刘晨

日期 :2018-01-08 更新时间 :2020-11-30


依據美國聯儲局上月會議紀錄,發覺對於今年加息三次有好大分歧,分成鷹、鴿及中立三派,鼎足三立,咁搞法,加息將會係拗到出牙血!

 

聯儲局較早前表示今年計劃加息三次,有D理事覺得咁講法唔係咁適合,唔應該講得咁死,令到市場產生錯覺。

 

鷹、鴿及中立三派,原來鷹、鴿都被視為少數派,咁樣加息有可能郁唔到幾多,事關咁分歧,或者加息三次0.25厘已經係頂磅。而且市場o既一貫睇法,唔覺得會加得到三次。

 

美國總統特朗普o係上星期美股道指升破25,000點歷史高位後發言,指出下一個目標係30,000點。若果美股做得到,息口可能會加得快一D多一D,事關驚懼通脹發惡反撲。

 

弊在美國底子一向孱仔,虛不受補有幾出奇,美股呢輪升市,根本已經將稅改甚至基建利好因素條數price-in(計埋入去)晒。能否更上一層樓,無人敢擔保,一個唔覺意上斜無力碌返落o黎,咁就大件事,不但唔敢大手加息,慢下手減返轉頭。本港樓民所懼怕o既息魔,分分鐘要貼膠布,惡得乜出樣呀!

 

若果息魔夠強大,四、五年前晨早應該加o3厘息啦,使鬼等到呢兩年o既今時今日只加得奀豬豬o1.25厘。

 

呢個唔係息魔,係息仔!

 

你可能感興趣的文章

House730搵楼大本营是香港的搵楼平台/租屋网,齐集香港楼盘及楼市资讯,网罗业主及各大中小型地产代理的楼盘,助用户找到心水香港楼盘,网上搵楼买楼更轻松。
House730同时提供一个渠道,予地产代理及业主网上放盘平台,自由、方便、高效,网上推送笋盘给潜在买家!
House730云集香港各类型楼盘资讯,包括香港新楼盘或是二手楼、港九或是新界、住宅或是工商业大厦,务求为用户提供最全面的楼盘资讯。
House730旨在为香港用户提供最优质的使用体验,不论买楼或是租楼,用户可按楼盘的价钱、面积、房数、真实照片等等条件拣选合适楼盘。
除了多个香港楼盘资讯外,House730亦提供不同类型的楼市资讯,包括地产新闻、成交数据等等,让你成为精明买家或租户。

请先登入或注册成为会员