三成私楼够撑人工岛吗?

专家分享 - 价势堂 刘晨

日期 :2018-11-12 更新时间 :2020-11-30


o係施政報告中表示,土地o係公私營房屋比例有所修改,由64更改為73。而且o係東大嶼o既人工島建屋比例,都係用呢一個標準,劉晨則非常懷疑三成私樓能否食得起七成公營樓o既發展成本。

 

不過港府都可以將全部私樓用來興建貴價樓豪宅,咁樣可以將樓價賣貴好多。弊在豪宅隔籬係公屋,會唔會怪雞oD?仲有就係又會否難賣一D?咁要有錢人先至知!

 

當然港府可以將公營房屋作出彈性處理,唔係全部起公屋,可以起居屋同綠置居之類樓房,側邊縱使起豪宅都無咁大差異。或者咁樣政府就啪得掂個算盤,但是,買豪宅o既買家點諗就控制唔到,到時滯銷又係倒瀉籮蟹。

 

仲有就係東大嶼無中生有起個人工島,成本條數點樣先至計得掂,確係好考功夫,事關搵泥填海已經好貴,而且又係海中心,個海有幾深條數有幾甘,正一係擔沙填海!呢個計劃冒險o既程度,比起劉晨等人所諗出來o既大嶼山南部填海、南丫島南填海同東龍島與大廟灣填海,一定大好多,事關劉晨所想o既係沿岸填海,岸邊起碼水都無咁深,成本自然平。

 

政府要搞就搞啦,在下意見就繼續提戔來,唔聽就罷。官字兩個口,點夠佢拗!意見照提,唔驚官員將我噬!斷估唔會有事,香港有言論自由,都話我對政治冷感,無乜興趣講呢家o野,識都唔講,何況唔識!

 

你可能感興趣的文章

House730搵楼大本营是香港的搵楼平台/租屋网,齐集香港楼盘及楼市资讯,网罗业主及各大中小型地产代理的楼盘,助用户找到心水香港楼盘,网上搵楼买楼更轻松。
House730同时提供一个渠道,予地产代理及业主网上放盘平台,自由、方便、高效,网上推送笋盘给潜在买家!
House730云集香港各类型楼盘资讯,包括香港新楼盘或是二手楼、港九或是新界、住宅或是工商业大厦,务求为用户提供最全面的楼盘资讯。
House730旨在为香港用户提供最优质的使用体验,不论买楼或是租楼,用户可按楼盘的价钱、面积、房数、真实照片等等条件拣选合适楼盘。
除了多个香港楼盘资讯外,House730亦提供不同类型的楼市资讯,包括地产新闻、成交数据等等,让你成为精明买家或租户。

请先登入或注册成为会员