全球航空业苦战

专家分享 - 价势堂 刘晨

日期 :2020-08-13 更新时间 :2020-11-30


新型肺炎疫情導致機票銷售大減,航空業面對巨大損失大。全球o既航空公司大幅削減航班,據彭博計算,疫情導致航空業約有四十萬名員工失去工作,咁都無辦法,焗啃,仲有得揀咩!

 

新型肺炎o既打擊面無處不在,世界各地航空公司都大叫辛苦,其他行業亦唔見得好,而且轉行搵新工亦唔容易,搵得到亦人工唔會高得過原來行業。有時無辦法就係無辦法,畀埋氈你畀埋扇你,你都變唔出乜花樣,梗局就梗局,你又唔係神仙!

 

劉晨有一個兄弟,瓣數多多,做乜都掂,劉晨拍馬都唔及得佢咁叻。有一次佢竟然叫劉晨幫佢搵工,自己呆一呆,o下,你咁叻都要我幫你搵工?兄弟開到聲,梗係死人塌樓咁大鑊,唔使講,只要做,好彩班到份工畀佢。有時話唔埋,唔係劉晨叻,而係佢當黑,黑起上來頭頭碰著黑,真係無乜計仔。

 

假若掉番轉頭,劉晨叫佢搵份工畀我,佢未必搵到,因為劉晨渣,質素曳,單蹄馬,唔係週身刀,到時更加難搵工。

 

o左份工,交租供樓好成問題,想當年睇粵語殘片,包租婆陶三姑、陳立品、大聲婆之類夜晚十二點坐正o係大廳等謝賢同張清返屋企,要佢地交租,夜番都避唔到包租婆。租都無錢交,仲講乜o野骨氣,唯有認衰,咪以為靚仔唔使交租!

 

你可能感興趣的文章

House730搵楼大本营是香港的搵楼平台/租屋网,齐集香港楼盘及楼市资讯,网罗业主及各大中小型地产代理的楼盘,助用户找到心水香港楼盘,网上搵楼买楼更轻松。
House730同时提供一个渠道,予地产代理及业主网上放盘平台,自由、方便、高效,网上推送笋盘给潜在买家!
House730云集香港各类型楼盘资讯,包括香港新楼盘或是二手楼、港九或是新界、住宅或是工商业大厦,务求为用户提供最全面的楼盘资讯。
House730旨在为香港用户提供最优质的使用体验,不论买楼或是租楼,用户可按楼盘的价钱、面积、房数、真实照片等等条件拣选合适楼盘。
除了多个香港楼盘资讯外,House730亦提供不同类型的楼市资讯,包括地产新闻、成交数据等等,让你成为精明买家或租户。

请先登入或注册成为会员