音樂互動牆裝置係咩嚟？

呢款音樂嘅互動牆係將多媒體投影技術同樂器結合，再投射到牆身，只要用手輕觸牆身嘅樂器圖示，就可以發出該樂器嘅聲音，用家亦都可以通過牆上嘅動畫去改變音樂嘅強度、節奏或者旋律等，係一個非常之真實同埋好玩嘅聽覺+視覺+觸覺嘅享受。

光影音樂演奏器通常有好多種類嘅樂器，當中包括結他、電子鼓、電子琴、小提琴、鋼琴等等，而且有啲仲帶有動畫效果。當你觸碰佢嘅時候，佢除咗會發出聲音之外，仲會有動畫，非常有趣。

用家亦都可以同屋企人一齊透過投射影像互動，例如子女負責打鼓，父母負責鋼琴，用無限嘅想像力去透過光影音樂夾band！

概念

利用光影進行音樂演奏嘅概念其實同智能互動觸控教學差唔多，都係以光影投射方式，外國同香港亦都舉行過好多光影投射/牆上音樂嘅展覽，等觀眾對呢個科技有更加深嘅認識，例如外國「Hidden Stories」，目的係讓觀眾探索無生命物體嘅秘密，同埋生活、傾聽嘅力量。

喺中國，一個時尚購物中心打造咗54000平方米嘅「移動藝術畫廊」，利用新媒體技術打造互動音樂牆，將藝術、科技、音樂融為一體，吸引唔少顧客上前互動。

幾年前喺香港嘅ELEMENTS圓方亦都有個展覽運用牆上演奏音樂嘅元素，設立「幻想曲創作站」，用另一種方式呈現俾小朋友知，音樂唔只一種可能性，除咗好玩，更可以利用體感樂器投影牆進行創作。

如何使用？

1.   首先用家需要配備光影音樂演奏器嘅裝置，包括投射器同播放器（喇叭），亦都要準備一道大嘅牆身，牆身最好係淨色而且冇嘢遮擋。

2.   開始前用家要先喺牆身貼上特定嘅牆紙。

3.   當一切都準備好就可以接駁電源將畫面連接軟件，並且投影到牆上。

4.   用家就可以過去用手觸換牆上嘅樂器圖案，彈奏屬於自己嘅音樂。

5.   用家亦都可以通過牆上嘅動畫或者配備嘅軟件去改變音樂嘅強度、節奏或者旋律等。

優點和限制