Python 入手嘅原因：易學、可以應用人工智能、多大公司用

Python係屬於高階程式語言(Coding language)，同人嘅語法較為接近，所以比起其他language 例如C++、Java，Python更易編寫同埋除錯，被稱為最容易上手、學習門檻低嘅程式語言。

另一點揀Python 嚟學嘅原因係，Data science (數據科學)同AI (人工智慧)嘅應用，係Python嘅強項，學識Python就有機會接觸到未來科技，加入科技巨頭不是夢！

咩大公司都用緊Python？

Python受歡迎就好多人都知，究竟多公司用到咩層面呢？簡單舉例就係 Google、Facebook、Instagram、Spotify、Netflix、Dropbox、Reddit 都用緊！

就連Google嘅前研究總監Peter Norvig都大讚Python，話佢非常適合解決某類小問題，睇吓佢點評價Python:

I came to Python not because I thought it was a better/acceptable/pragmatic Lisp, but because it was better pseudocode......I found that Python was very nice for certain types of small problems, and had the libraries I needed to integrate with lots of other stuff, at Google and elsewhere on the net.

如何自學Python？

網上海量Python嘅課程，好多都係免費嘅，好似Youtube 上由Corey Schafer提供、過百萬點擊率嘅Python Tutorial for Beginners 就由頭開始教你點寫Python。

另一個自學Python 必睇嘅網上教學，就係自2019年10月起一直熱爆GitHub、有8.8萬幾星標嘅《Python-100-days》，呢個專案詳細列出100天嘅Python學習計劃，提供每天需要掌握嘅學習內容、資料庫等等，仲提供公開課影片、資料等等資源可以運用。

鐘意睇實體書嘅朋友，可以睇 由Joel Grus所著嘅《Data Science from Scratch 用Python學資料科學》，同埋由Bill Lubanovic所著嘅 《精通 Python：運用簡單的套件進行現代運算》 ，兩本都有翻譯做中文版架。