降噪普遍原理

降噪耳機能夠自動降噪，主要係利用耳機上嘅麥克風裝置嚟接收環境噪音，再讓耳機內部嘅晶片產生同噪音相反嘅反向聲波，耳機會創造抵銷訊號阻擋大部分嘅外部聲音來源，從而有降噪效果。主動降噪技術一般喺持續吵雜嘅環境中效果表現最好，例如火車、飛機等發出嘅持續、有頻率嘅噪音。降噪耳機應用喺日常生活中十分方便，因為我們可以唔需要刻意提高音量嚟蓋過外界嘅噪音，亦能幫助用家喺嘈雜嘅環境下享受寧靜同手機內嘅音樂。

耳塞類型

(i) 矽膠耳塞

矽膠耳塞喺高頻端嘅隔音效果顯著，低頻端則要視乎貼合程度而決定。雖然矽膠耳塞能提供一定程度嘅隔音效果，但相對嚟講隔音效果比較差，不過呢個同耳朵緊密貼合有關。市面上矽膠耳塞除咗單節耳塞外，仲有雙節膠耳塞同三節膠耳塞，佢地可以彌補矽膠耳塞嘅隔音問題。雙節膠耳塞同三節膠耳塞有更好嘅隔音效果，能聽到更豐富嘅低音，不過缺點係可選擇嘅尺寸有限，要搵到適合自己耳朵嘅雙節膠耳塞同三節膠耳塞唔係咁容易，因為同你嘅耳道深淺有關。

(ii) 海綿耳塞

海綿嘅可塑性非常高，所以能輕易地隨住耳朵構造變型，令耳塞更貼合耳道。正因呢個有利條件，海綿耳塞能提供較優質嘅舒適度同隔音度，喺低音頻嘅聲音表現比矽膠耳塞出色，不過高音頻部分因為容易被海綿吸收，所以表現較差。

降噪類型的利弊

降噪類型主要分為(i) 前饋式主動降噪、(ii) 反饋式主動降噪同 (iii) 複合式主動降噪，以下係它們嘅利弊：

降噪耳機推介

(i) Apple AirPods Pro

Apple AirPods Pro是入耳式設計，用單節嘅矽膠耳塞。它是利用複合式降噪，音質嘅部分其表現較前一代與 AirPods 2 更好，AirPods Pro嘅麥克風收音佳，耳機服貼度都好高，係一款十分適合入門級嘅朋友使用，如果用嚟平時開會嘅話亦絕對足夠。

(ii) SONY WF-1000XM4

SONY WF-1000XM4使用全新嘅隔音耳塞，提升被動降噪嘅效果，使用比較厚、有膨脹性嘅耳膠，係膠狀但似海綿質感，有足夠嘅密封性，帶來更高嘅隔音性能。降噪類型使用了複合式主動降噪，每邊耳機裡分別有向外同向內嘅麥克風，分析環境同耳內聲音。

(iii) Cleer Ally PLUS II

Cleer Ally PLUS II採用複合式自適應降噪技術，環境音模式嘅聲音聽起來相當自然，弱點係對於人聲，如果要清楚聽到交談嘅對話內容，就需要將音樂音量調較至50％以下。耳機本體採用耳道式設計，對環境噪音有一定嘅阻隔能力，耳塞方面使用矽膠耳塞，採用IPX4技術，能防水防汗，十分適合喺運動時使用。為了整體貼合度，購買時一般會提供5種尺寸嘅矽膠耳塞。

一眾WFH打工仔唔想被炒魷嘅話，快D入手一部最適合自己嘅耳機同老細開會喇！