令樓價下跌 或者止跌回穩都是財仔
日期：2025-04-19
幾個月前，有做財仔老友同我講，債仔好似夾埋唔還錢，已經軟硬兼施，但沒有效用，都唔知點樣，老實說，做得財仔就唔能夠手軟，如果太過仁慈，最後受到損失是自己。
老友問我應該點做，其實好簡單，沒收幾個借錢有水位的物業，變成銀主盤之後拿拿臨在市場發售，平平都賣，只要唔使蝕錢便可以，不過一定要預足時間俾債仔籌錢還債，而且要依足法律程序，否則很容易俾債仔咬返轉頭，話老友以低價賣樓而要求賠償，老友話明白，而且進行得很順利，由於很多財仔用這個方法追債仔還錢，令到樓價下跌，但大家又估唔到，這個方法又可以穩定樓價。
做財仔老友同我講，近日追數比較容易，唔知點解，以前很難叫他們還利息的債仔，近日都主動俾利息，做財仔都是求財，既然債仔主動還息，當然唔會將債仔物業變成銀主盤後出售，少了財仔賣樓，樓價近兩個星期不但回穩，甚至止跌回升，今次真係跌也財仔，止跌回升也是財仔。
