结婚并非一天光晒

专家分享 - 价势堂 刘晨

日期 :2017-12-11 更新时间 :2020-11-30


香港以至中國o既老人家好天真,只要有下一代,佢地就會講一句: D仔女結o左婚咁就一天光晒!」做人係咪咁簡單呀?結o左婚就代表乜都搞掂?

 

經過實驗證明,結o左婚有D確係明天會更好,有D可能衍生出更多問題,簡單到住埋都出事。今年香港就發生兩單感情問題o既兇殺同自殺案,都係用刀傷同跳樓。

 

劉晨覺得老人家最好就講少句,下一代中意點就點,最緊要係佢地開心,老人家講一句都係畀壓力下一代,要佢地難做。

 

結婚呢個名詞,廣東話聽落確係弊傢伙,結o左就分。結唔結婚由下一代揸主意,佢地問你意見就不妨加以分析,聽唔聽就由佢地話事,老人家咪咁多咿俄。事關結婚呢家o野,一拉埋天窗就再唔係一家人咁簡單,而係兩家人,要同另一家人協調。夾唔夾得到無人知,因為你唔蝦人,人地可能蝦你,咁就有排煩。

 

以前劉晨覺得結婚雙方簽婚書之前,仲要簽另外一個協議,就係無得畀另一半分身家,或者最多賠間幾大o既屋或者幾多錢就算,未結婚就搞Doo野,好似好小家。不過家陣D人乜都做得出,未結婚已經謀定你副身家,甚至叫你買埋人壽保險等第日做瓜你,確係早有預謀。不論男女,未結婚前要做好呢一樣預防措施,免得第日打死狗講價,仲傷感情。上埋法庭就仲揚!

 

呢D唔係最傷,最傷係業主,間屋無啦啦變凶宅,即時貶值兼好難賣,喊到出唔到聲!

 

 

你可能感興趣的文章

House730搵楼大本营是香港的搵楼平台/租屋网,齐集香港楼盘及楼市资讯,网罗业主及各大中小型地产代理的楼盘,助用户找到心水香港楼盘,网上搵楼买楼更轻松。
House730同时提供一个渠道,予地产代理及业主网上放盘平台,自由、方便、高效,网上推送笋盘给潜在买家!
House730云集香港各类型楼盘资讯,包括香港新楼盘或是二手楼、港九或是新界、住宅或是工商业大厦,务求为用户提供最全面的楼盘资讯。
House730旨在为香港用户提供最优质的使用体验,不论买楼或是租楼,用户可按楼盘的价钱、面积、房数、真实照片等等条件拣选合适楼盘。
除了多个香港楼盘资讯外,House730亦提供不同类型的楼市资讯,包括地产新闻、成交数据等等,让你成为精明买家或租户。

请先登入或注册成为会员