有美国人挡子弹

专家分享 - 价势堂 刘晨

日期 :2018-04-20 更新时间 :2020-11-30


近來港匯偏弱,隊到落去7.85水平,金管局飛身接住港元,一個星期接o510億港元。有唔少人驚緊,若果銀行結餘用清會唔會港息飊升,按息會否飛住上。驚加息,有美國人擋子彈在先,香港使乜驚得咁緊要。

 

美國加o左六次息達到1.5 厘,港息郁都唔郁,無跟過,全因銀行結餘充裕所致。若果資金池大減,加息亦合理,可以做到利率正常化。美國今年再加多兩三次0.25厘,香港斷估應酬式都要加兩次0.25厘,即係0.5厘。

 

超低息環境香港著數o左好耐,應酬方式加番多少,咪咁多咿哦。有人一定會講,美國再唔停咁加息,買樓做業主咪好大鑊,供樓都供到氣咳!驚咁多,劉晨覺得唔使震過貓王,美國加o1.5厘息,家陣好多美國人已經鬼殺咁嘈,事關大嗌頂唔順。仲有就係總統搞到亂晒坑,美國經濟想好都難,睇落息魔亦有D腳仔軟。

 

再加息o既話,要死都美國人死先,事關美國人窮過香港人多多聲,再孭唔到好多磅,若果美國經濟有乜依郁,斷估聯儲局會識得聽聲停,唔會再踩油繼續加息。你估美國經濟好好實力咩,唔再係三四十年前咁硬淨,再唔係成個斬柴佬查理士布朗臣同蘭保史泰龍咁堅啦,隨時烏蠅撐一腳都纍低。

 

美國底子咁鬼孱仔,再捱唔到幾多次加息0.25厘,加息隨時停,我就唔信佢加息行得遠!

 

只要本港樓民有充足準備,合乎銀行壓力測試加息3o既指標,港樓應該唔會有幾多問題。仲有就係息口未必加得到3厘,事關美國經濟唔似得八十年代本港越南難民營背山面海咁好環境。

 

 

你可能感興趣的文章

House730搵楼大本营是香港的搵楼平台/租屋网,齐集香港楼盘及楼市资讯,网罗业主及各大中小型地产代理的楼盘,助用户找到心水香港楼盘,网上搵楼买楼更轻松。
House730同时提供一个渠道,予地产代理及业主网上放盘平台,自由、方便、高效,网上推送笋盘给潜在买家!
House730云集香港各类型楼盘资讯,包括香港新楼盘或是二手楼、港九或是新界、住宅或是工商业大厦,务求为用户提供最全面的楼盘资讯。
House730旨在为香港用户提供最优质的使用体验,不论买楼或是租楼,用户可按楼盘的价钱、面积、房数、真实照片等等条件拣选合适楼盘。
除了多个香港楼盘资讯外,House730亦提供不同类型的楼市资讯,包括地产新闻、成交数据等等,让你成为精明买家或租户。

请先登入或注册成为会员