内地租金都贵,香港………

专家分享 - 价势堂 刘晨

日期 :2018-08-24 更新时间 :2020-11-30


近期有幾多關於內地大城市o既租金新聞報道,劉晨睇見都有D心驚驚,唔到你唔面青。

 

D報道指出,按年計有唔少大城市o既租金過去一年升o左兩三成,點到你唔眼擎擎。兩三成喎,你估o野小,唔腳仔軟至出奇。

 

大家諗諗,今年一般港人o既加薪幅度只得4%,跑贏大市o既受薪階層梗係巴之閉,八字咁腳行路,威到震。內地打工人加薪幅度更高,斷估有十個八個巴仙,不過咪開心住,一睇見租金升幅兩三成,當堂暈低,仲可能要叫埋白車。

 

加租兩三成,加薪加得一成都頂唔順。不過記住,家陣係講緊內地住屋租金加幅,內地都升得咁勁,心水清o既話,港人應該諗得到香港住屋租金都無得平。大嗌租貴o既人士,睇怕同粵語殘片入面靚女遇著石堅o既場面差不多,堅叔會講,呢度無人,你嗌破喉嚨都無用,即管嗌啦!堅叔然後奸笑。

 

咁,即係點,自己諗計度掂佢囉,靚女同租客如是,點嗌都係無用,行動實際D。講真,靚女其實大鑊過租客好多,堅叔功夫蓋世,同李小龍有得揪,靚女點走得甩。不過戲入面緊張時刻通常會出現關德興或者陳寶珠打走堅叔,靚女化險為夷。租客就可以去秘撈,應付加租問題!

 

 

 

 

 

 

 

 

 

你可能感興趣的文章

House730搵楼大本营是香港的搵楼平台/租屋网,齐集香港楼盘及楼市资讯,网罗业主及各大中小型地产代理的楼盘,助用户找到心水香港楼盘,网上搵楼买楼更轻松。
House730同时提供一个渠道,予地产代理及业主网上放盘平台,自由、方便、高效,网上推送笋盘给潜在买家!
House730云集香港各类型楼盘资讯,包括香港新楼盘或是二手楼、港九或是新界、住宅或是工商业大厦,务求为用户提供最全面的楼盘资讯。
House730旨在为香港用户提供最优质的使用体验,不论买楼或是租楼,用户可按楼盘的价钱、面积、房数、真实照片等等条件拣选合适楼盘。
除了多个香港楼盘资讯外,House730亦提供不同类型的楼市资讯,包括地产新闻、成交数据等等,让你成为精明买家或租户。

请先登入或注册成为会员