大鳄掟股票绝不手软

专家分享 - 价势堂 刘晨

日期 :2018-10-12 更新时间 :2020-11-30


o817日寫過一篇「最大殺傷力 推高再掟o既短文,呢D招數係大鱷最慣用o既手段,咁樣佢地至會賺到大錢。一路直上或者直落,未必賺到好多,事關股民唔會跟得咁貼,好多人喜歡執幾個巴仙或一成就雞咁腳撐,用波幅先至殺得夠多。

 

今年美股位高勢危,大鱷都有隨時散水o既準備,美股掟落o黎,香港亦無運行,所以佢地晨早已經做定o野,機會一到就殺到通街血。咪以為早前港股稍為定一定就無事,只係未到時候郁手而已。前日美股插水,佢地即刻做o野,狂掟股票目的係砌低期指掠水!

 

香港股民有一個通病,有膽輸無膽贏,賺幾個巴仙就仆住走,輸o左就磨爛蓆死,最衰就係唔願做功課,懶至出汁。若果研究到隻好股票,唔怕長線投資,不過股民中意短炒,畀佣都畀死,賺唔到大錢。點解,港股所謂長線投資,三十年前都已經係三個月至一年咁大把,中線就一個月至兩三個月,好多仲喜歡即日鮮,更甚者係一陣鮮。好好彩咁買到隻好股,持有時間太短所以賺得唔多。

 

大鱷亦利用衍生工具將股市舞上舞落,用波幅殺完好友殺淡友,有時就相反,答案就係多數股民都被大鱷財技震到蝕住走,所以股民輸多過贏,除非你超長線好似強積金咁鬥長命。

 

不過唔係太多打工仔用心研究經濟,有時買強積金就求求其其,自己買緊乜都未必知。所以點解劉晨成日要求政府准許打工仔將份強積金可以用作買樓或者供按揭,樓市輸o左都賺到住,仲有買樓點都有供滿埋岸o既一日。買股票等基金投資工具,基本上入面成份係乜都唔多清楚,而且股票越來越多賊佬股,仲做埋成份股o既話,打工仔輸死都唔知乜事!

 

你可能感興趣的文章

House730搵楼大本营是香港的搵楼平台/租屋网,齐集香港楼盘及楼市资讯,网罗业主及各大中小型地产代理的楼盘,助用户找到心水香港楼盘,网上搵楼买楼更轻松。
House730同时提供一个渠道,予地产代理及业主网上放盘平台,自由、方便、高效,网上推送笋盘给潜在买家!
House730云集香港各类型楼盘资讯,包括香港新楼盘或是二手楼、港九或是新界、住宅或是工商业大厦,务求为用户提供最全面的楼盘资讯。
House730旨在为香港用户提供最优质的使用体验,不论买楼或是租楼,用户可按楼盘的价钱、面积、房数、真实照片等等条件拣选合适楼盘。
除了多个香港楼盘资讯外,House730亦提供不同类型的楼市资讯,包括地产新闻、成交数据等等,让你成为精明买家或租户。

请先登入或注册成为会员