无赢梗 对冲基金都要冚

专家分享 - 价势堂 刘晨

日期 :2018-10-16 更新时间 :2020-11-30


劉晨長期都話投資無贏梗,就算真係有都只係搵間廠去贏粒糖,好重本。廿幾年來,曾經威風一時o既對沖基金,亦有好多人當佢地贏梗,點知近期o係美國一個月內執三間大o野。對沖基金都冚檔證明好難有贏梗!

 

想當年亞洲金融風暴時期,全世界聽到對沖基金個名都聞風色變,感覺佢地堅揪到無倫。金融風暴時期佢地橫掃全球,好多政府要嚴陣以待,弊在都打敗仗。對沖基金幾咁巴之閉!

 

對沖基金所向披靡,係因為佢地識得用金融槓桿效應之外,又純熟使用衍生工具,故被人覺得賺梗,政府亦聞名喪膽,事關好多政府都唔係佢地o既手腳,似足推枯拉橈。亞洲金融風暴期內,香港亦因為港元被狙擊,搞到銀行隔夜拆息飊上289厘,何止股市趴街,樓市亦趴直,事關突然挾高息嚇親好多人。因此,對沖基金越來越多人人幫襯,規模亦不斷壯大。

 

或者因為後來太多對沖基金成立,互有睇好睇淡,甚至互相對壘,力量抵消晒,唔再係當年新面世時單邊全力出擊兼且罕見,殺傷力咁大。最近關閉o既理由係對沖基金交出o既成績同客戶o既預期有差距,唔達標,因而結束。

 

都係o個句,呢個世界無贏梗,有就唔使做,乾炒搞掂,何必返工咁辛苦!

 

 

你可能感興趣的文章

House730搵楼大本营是香港的搵楼平台/租屋网,齐集香港楼盘及楼市资讯,网罗业主及各大中小型地产代理的楼盘,助用户找到心水香港楼盘,网上搵楼买楼更轻松。
House730同时提供一个渠道,予地产代理及业主网上放盘平台,自由、方便、高效,网上推送笋盘给潜在买家!
House730云集香港各类型楼盘资讯,包括香港新楼盘或是二手楼、港九或是新界、住宅或是工商业大厦,务求为用户提供最全面的楼盘资讯。
House730旨在为香港用户提供最优质的使用体验,不论买楼或是租楼,用户可按楼盘的价钱、面积、房数、真实照片等等条件拣选合适楼盘。
除了多个香港楼盘资讯外,House730亦提供不同类型的楼市资讯,包括地产新闻、成交数据等等,让你成为精明买家或租户。

请先登入或注册成为会员