息口有升、定、跌!

专家分享 - 价势堂 刘晨

日期 :2018-11-22 更新时间 :2020-11-30


美國聯邦儲備局主席鮑威爾上週指出,聯儲局每次開會後都有者記會。由四次加到八次係好事,增加透明度,對全球金融市場及投資者都正面。聯儲局每年議息八次,竟然有人寫成「即係可以加息八次」,劉晨睇到就笑o左。

 

美國近年每次加息行動都o係有記者會o既議息日子進行,有記者會唔代表息率一定有變。議息可以加息、減息、息率維持不變,仲有加減息唔一定係0.25厘幅度。股市都有升、定、跌,何況息口,淨係升咩!

 

若果當係真,明年加息八次,又當係每次加0.25厘,咁即係加2厘。咁樣推算無問題,但是,後年美國經濟唔好環境,仲係咪每次議息都要加息0.25厘呢,又每年加八次呢!

 

仲有,經濟好壞係無定向風,唔係老奉o係年頭先至開始,一年十二個月個個月都有可能經濟轉好同轉壞,加加下息唔加甚至減番轉頭或者停o係度有乜出奇。

 

仲有就係話有記者會就等加息,呢句仲好笑,邊個講o架?鮑威爾咁講直情要畀人剷,不可原諒,咁無sense(理智),笑甩人棚牙呀!

 

劉晨記得,八七股災後,聯儲局拿拿聲減息,係咪要等到議息日期至郁手就唔記得,不過股災發生喎,救市啦,仲等,送院中不治斃命啦,邊有得等!聯儲局特別會議,劉晨見識過!

 

 

 

 

你可能感興趣的文章

House730搵楼大本营是香港的搵楼平台/租屋网,齐集香港楼盘及楼市资讯,网罗业主及各大中小型地产代理的楼盘,助用户找到心水香港楼盘,网上搵楼买楼更轻松。
House730同时提供一个渠道,予地产代理及业主网上放盘平台,自由、方便、高效,网上推送笋盘给潜在买家!
House730云集香港各类型楼盘资讯,包括香港新楼盘或是二手楼、港九或是新界、住宅或是工商业大厦,务求为用户提供最全面的楼盘资讯。
House730旨在为香港用户提供最优质的使用体验,不论买楼或是租楼,用户可按楼盘的价钱、面积、房数、真实照片等等条件拣选合适楼盘。
除了多个香港楼盘资讯外,House730亦提供不同类型的楼市资讯,包括地产新闻、成交数据等等,让你成为精明买家或租户。

请先登入或注册成为会员