港股提早收炉?

专家分享 - 价势堂 刘晨

日期 :2018-11-27 更新时间 :2020-11-30


前一排港股成交直情淡薄非常,得o個五六百億銀一日成交,睇來好似提早年爐格局。無o既,臨近中美兩國元首o係阿根廷會面絕對唔知開大定細,好多股民感覺不如靠邊站算罷啦,個個蹺埋對手,點得唔生意淡薄。

 

今年年頭港股都叫做威過一陣,不過成年幾搵埋都好少見到五六百億一日成交咁鬼奀豬。唔少股民輸到舉手投降,拒絕再玩,港股仲係陰DD咁陰乾,唔輸死都悶死。仲有就係股市唔係事必要參與,大可行開一二角飲杯茶食個包睇下點發展再決定繼唔繼續玩。

 

侵侵日日新鮮日日甘點知佢點玩,玩完一樣玩第二樣,精力仲旺盛個BB仔,美國股市有上有落,香港股市就有落無上,港股交投縮水係好應份。

 

查實樓市都係慘淡經營,咁鬼多辣招綁實晒,交易成本大到黐線,買賣一間樓要畀成半間樓使費。有銀士都索性食少多覺瞓,免得浪費彈藥,樓市同樣靜過鬼。不過居住係人類基本需求,唔買樓都要租樓,不過租金唔會平得去邊,長遠計買樓仲係著數,所以樓市都叫做有D租賃同買賣成交。

 

弊在較早之前有D週末日,十大屋苑兩日都只得一宗成交,奀到痹。雖然近日交投稍有反彈,又唔係彈得幾多,係咪好似股市咁今年提早收爐,要睇中美兩大巨頭會談結果啦。

 

 

 

 

你可能感興趣的文章

House730搵楼大本营是香港的搵楼平台/租屋网,齐集香港楼盘及楼市资讯,网罗业主及各大中小型地产代理的楼盘,助用户找到心水香港楼盘,网上搵楼买楼更轻松。
House730同时提供一个渠道,予地产代理及业主网上放盘平台,自由、方便、高效,网上推送笋盘给潜在买家!
House730云集香港各类型楼盘资讯,包括香港新楼盘或是二手楼、港九或是新界、住宅或是工商业大厦,务求为用户提供最全面的楼盘资讯。
House730旨在为香港用户提供最优质的使用体验,不论买楼或是租楼,用户可按楼盘的价钱、面积、房数、真实照片等等条件拣选合适楼盘。
除了多个香港楼盘资讯外,House730亦提供不同类型的楼市资讯,包括地产新闻、成交数据等等,让你成为精明买家或租户。

请先登入或注册成为会员