会否又再推高再掟?

专家分享 - 价势堂 刘晨

日期 :2018-11-29 更新时间 :2020-11-30


中國與美國o既高峰會未舉行,港股較早前淡靜到嘔電,卻出現乾升現象。然後又有大行唱好港股,會否又再來一招推高再掟呢?

 

十一月尾,港股交投似足收爐,唔知係咪生意淡薄不如賭搏,無啦啦港股就撩o左上去。股市淡出鳥來,大戶要撩番個市上去唔使幾多子彈,揸多D期指咁就賺上賺,財技呢家o野,大戶好易做o野。

 

劉晨見到個市無啦啦炒上去,唔明乜事,事關無乜好消息,中美峰會又未明,美國又聲多多要照加關稅,港股升得古古怪怪。然後有大行唱好港股,其實距離目標價只得約二千點升幅,分分鐘一成利錢都無,值搏率唔高。同時又有大行唱淡,走勢陰陽怪氣,散戶都係走埋一二角睇戲算啦!

 

點解?點知過幾日發生乜事,一個唔覺意先拍檯後反檯,後果就係股市樓市要跌,所以撩高股市者先賺一浸,高位再將期指反揸為沽,戾手掟貨,咁就短線oo岩好賺到盡。

 

實有人批評劉晨老作,唔緊要,廿九年前o既六四事件之前就係咁樣,翻版,幾時都興,有幾出奇!

 

其實劉晨都想大團圓結局,來個齊歡唱同慶賀就係最好,自己仲有大筆強積金o係個市度。可惜世事難料,企遠D睇好過,寧願有好消息買貴些少,輸強積金都好過輸埋副身家!

 

你可能感興趣的文章

House730搵楼大本营是香港的搵楼平台/租屋网,齐集香港楼盘及楼市资讯,网罗业主及各大中小型地产代理的楼盘,助用户找到心水香港楼盘,网上搵楼买楼更轻松。
House730同时提供一个渠道,予地产代理及业主网上放盘平台,自由、方便、高效,网上推送笋盘给潜在买家!
House730云集香港各类型楼盘资讯,包括香港新楼盘或是二手楼、港九或是新界、住宅或是工商业大厦,务求为用户提供最全面的楼盘资讯。
House730旨在为香港用户提供最优质的使用体验,不论买楼或是租楼,用户可按楼盘的价钱、面积、房数、真实照片等等条件拣选合适楼盘。
除了多个香港楼盘资讯外,House730亦提供不同类型的楼市资讯,包括地产新闻、成交数据等等,让你成为精明买家或租户。

请先登入或注册成为会员