政府政策向来迟几波

专家分享 - 价势堂 刘晨

日期 :2019-01-21 更新时间 :2020-11-30


政府話積極搵地起樓應付市民o既居住需求,主觀願望係好,得唔得就難得講,事關香港政府效率麻麻,其他政府更差,聽住D先啦!好似去年財政司司長波叔話派四千蚊,派到今時今日仲未收到,o佢係公開場合畀一位女士「潤」o左一句,都幾無癮!

 

司長之中,波叔都算好脾氣,畀人兜口兜面仲影住來「潤」,仲表現好客氣同內咎,唔似得其他官員咁發爛渣,算係有品啦!

 

弊在派四千蚊都搞足一週年未見影,證明政府o既效率有幾高,乜都講程序,咁咪等o左一年都未見影囉。

 

派錢咁簡單都拖拖拉拉,開發地皮就大工程到唔識得形容,呢個部門磨一輪,o個部門拖幾拖,若果再有官員擺下官威,咁就更加遲幾波,咁係正路波。事實上港府效率比較其他地方高得多,其他政府你瞓醒十覺都未郁過。政府就係咁o架啦,勞嘈賺激氣!

 

所以咁多港人想移民,但是,當佢地真正認識同領教過外國政府o既效率,就知味道,帶定個桶去裝血都唔掂!人,始終係見多D世面係好o既,撞得板多會知道乜o野叫做面對現實!

 

你可能感興趣的文章

House730搵楼大本营是香港的搵楼平台/租屋网,齐集香港楼盘及楼市资讯,网罗业主及各大中小型地产代理的楼盘,助用户找到心水香港楼盘,网上搵楼买楼更轻松。
House730同时提供一个渠道,予地产代理及业主网上放盘平台,自由、方便、高效,网上推送笋盘给潜在买家!
House730云集香港各类型楼盘资讯,包括香港新楼盘或是二手楼、港九或是新界、住宅或是工商业大厦,务求为用户提供最全面的楼盘资讯。
House730旨在为香港用户提供最优质的使用体验,不论买楼或是租楼,用户可按楼盘的价钱、面积、房数、真实照片等等条件拣选合适楼盘。
除了多个香港楼盘资讯外,House730亦提供不同类型的楼市资讯,包括地产新闻、成交数据等等,让你成为精明买家或租户。

请先登入或注册成为会员