临老要交租都几杰

专家分享 - 价势堂 刘晨

日期 :2019-03-28 更新时间 :2020-11-30


有時劉晨都覺得自己講o野太過直接,有D人睇o左唔中意聽,但是,係事實,唔中意都要講,否則大家無諗到呢個問題,到時仲大鑊杰。寧願你家陣唔中意好過將來杰撻撻,呢D係專欄作家預見未來o既場面,你唔中意唔代表無事發生。

 

劉晨講出來係想大家早有防備,唔使到時倒瀉籮蟹,以至硬食!係乜,就係「臨老要交租都幾杰」。實有人講,有錢人使乜怕,咁,窮人呢?窮人都會老,政府亦未必顧得到,到時真係XX炒粉!

 

點解劉晨叫人盡可能買樓,當年青力壯仲有得撈之時,將間樓供滿或者七七八八,一於咬實牙關供晒間樓,咁以後就唔使再搵錢供樓,連租都慳埋,間屋細間D亦唔拘,好過無。

 

後生有氣有力,好多人對交租唔當係一回事,第日仲搵得到。等到你七老八九十,行路都無力,畀份工你都未必做得到。去到呢個時間,要你交租,除非你早就淨落好多,否則單係搣儲備,好容易搣到心寒,個存摺越來越少錢,莫水點搞?

 

若果你晨早供甩間樓,即使要交管理費或者維修費,當然都好鬼肉痛,點都無交租咁唔斷尾咁甘!若果業主嗌加租,你老趷趷搬得郁都辛苦啦,搬唔郁就仲死。你好命o既話有間公屋一定好得多,當係家山發。若果仲要租私樓你就大件事,諗起都震,唔好講租一個單位,租個床位都唔少錢。去到呢個時候,再無乜人同你講心o架啦,點到你唔心震!

 

你可能感興趣的文章

House730搵楼大本营是香港的搵楼平台/租屋网,齐集香港楼盘及楼市资讯,网罗业主及各大中小型地产代理的楼盘,助用户找到心水香港楼盘,网上搵楼买楼更轻松。
House730同时提供一个渠道,予地产代理及业主网上放盘平台,自由、方便、高效,网上推送笋盘给潜在买家!
House730云集香港各类型楼盘资讯,包括香港新楼盘或是二手楼、港九或是新界、住宅或是工商业大厦,务求为用户提供最全面的楼盘资讯。
House730旨在为香港用户提供最优质的使用体验,不论买楼或是租楼,用户可按楼盘的价钱、面积、房数、真实照片等等条件拣选合适楼盘。
除了多个香港楼盘资讯外,House730亦提供不同类型的楼市资讯,包括地产新闻、成交数据等等,让你成为精明买家或租户。

请先登入或注册成为会员