我唔识股票!

专家分享 - 价势堂 刘晨

日期 :2020-01-08 更新时间 :2020-11-30


新一年又到來,2019年已經成為歷史,輸好贏好都成為現實,無得改變,不過輸過遠遠多過贏家。諗下未來一年仲好啦,不過有人會問劉晨,今年有乜投資好介紹,班友唔會長線投資只想炒出炒入。劉晨答佢我唔識得股票,一o野就落閘,費事o徙聲壞氣。

 

投資呢家o野,太多人想轉眼賺大錢,若果咁想太理想啦,你老豆畀錢你都無咁順手,何況投資,想投機賺錢就更加難。

 

劉晨以前講過D投資古仔,莊家大聲嗌:「開車啦,開車啦,即刻有好多人唔理乜車,飛撲上車。原來係架衝落懸崖o既棺材車,結果當然死得人多!」

 

識得一個老闆娘,有個生客同佢講買乜乜股票,佢聽到著晒迷,我要買乜佢都聽唔到。隔幾日同佢講,你好戇居,老千最中意呃你呢類人,佢地散得一萬幾千蚊都想人落疊,你聽人亂車就瀨o野。老闆娘話佢無錢,我話你有錢就纍o左落去,人地同你三唔識七,點解要益你,同你有緣咩,散貨畀你咋,懵懵地!

 

家陣太多人想擰轉面就賺大錢,若果咁容易搵錢,使鬼做得咁辛苦做到手指頭倔咩,拎住個鑊鏟好過啦,仲做乜鬼喎。但是,呢個世界邊有咁易賺錢!做人實實在在好D,咪貪圖僥倖!

你可能感興趣的文章

House730搵楼大本营是香港的搵楼平台/租屋网,齐集香港楼盘及楼市资讯,网罗业主及各大中小型地产代理的楼盘,助用户找到心水香港楼盘,网上搵楼买楼更轻松。
House730同时提供一个渠道,予地产代理及业主网上放盘平台,自由、方便、高效,网上推送笋盘给潜在买家!
House730云集香港各类型楼盘资讯,包括香港新楼盘或是二手楼、港九或是新界、住宅或是工商业大厦,务求为用户提供最全面的楼盘资讯。
House730旨在为香港用户提供最优质的使用体验,不论买楼或是租楼,用户可按楼盘的价钱、面积、房数、真实照片等等条件拣选合适楼盘。
除了多个香港楼盘资讯外,House730亦提供不同类型的楼市资讯,包括地产新闻、成交数据等等,让你成为精明买家或租户。

请先登入或注册成为会员