全世界卖当借

专家分享 - 价势堂 刘晨

日期 :2020-08-04 更新时间 :2020-11-30


想當年睇粵語殘片,講述新馬仔、鄧寄塵、鄭君綿等人,間中會聽到佢地話生活係靠「賣檔蔗」,其實呢句說話係有「骨」o既,唔係話佢地做小販賣檔蔗謀生,而係靠「賣、當、借」生活,每一個字都有意思,廣東話真係傳神到無得頂!

 

查實「賣當借」呢家o野唔係幾十年前粵語殘片專利,家陣仲相當盛行。呢幾十年,好多o係政府o既經濟原則唔係平衡預算量入為出,而係用赤字預算,不斷發行債券、將官方機構私營化上市,從而籌集大筆資金用作日常收入,去支持平日開支。由於支出經常「使突」,發行債券、官方企業上市越整越多,同「賣當借」原理分別唔大。

 

自從金融海嘯後,量化寬鬆o既行動相當矚目,印銀紙買債券印到開巷,左手交右手,總之使出呢D財技撐住個經濟唔衰疲,頂實國家唔衰落。「賣當借」角色只係由小人物變成大國家。金融海嘯後各國大力推行量寬,今年新型肺炎襲擊地球,各國又齊齊印銀紙,一於量寬無盡。

 

就因為咁,你明知各國都係「賣當借」,銀紙只會越來越唔見使,所以好多人醒水用實物資產物業、黃金、白銀等等去保衛本身o既財富唔好縮水。由於呢D經濟原理太高深,長期運用得唔得就唔知,相信總會有一日爆煲,唔係債券爆,就係銀紙爆,或者其他實物資產爆。弊在過多幾十年,劉晨都睇唔到大結局係點。祝各位好運,自己亦平安渡過,唔好身在其中面對爆鑊,不然大大鑊兼杰過芝蔴糊,全部人啃唔落!我就唔想見到!

 

呢D咁惡啃o既鑊底牛柳,劉晨就無興趣,搵D抵諗o既人食o左佢,自問無福消受!

你可能感興趣的文章

House730搵楼大本营是香港的搵楼平台/租屋网,齐集香港楼盘及楼市资讯,网罗业主及各大中小型地产代理的楼盘,助用户找到心水香港楼盘,网上搵楼买楼更轻松。
House730同时提供一个渠道,予地产代理及业主网上放盘平台,自由、方便、高效,网上推送笋盘给潜在买家!
House730云集香港各类型楼盘资讯,包括香港新楼盘或是二手楼、港九或是新界、住宅或是工商业大厦,务求为用户提供最全面的楼盘资讯。
House730旨在为香港用户提供最优质的使用体验,不论买楼或是租楼,用户可按楼盘的价钱、面积、房数、真实照片等等条件拣选合适楼盘。
除了多个香港楼盘资讯外,House730亦提供不同类型的楼市资讯,包括地产新闻、成交数据等等,让你成为精明买家或租户。

请先登入或注册成为会员