千万富翁,o岩听!

专家分享 - 价势堂 刘晨

日期 :2020-09-29 更新时间 :2020-11-30


最近有銀行公佈「香港千萬富翁調查報告2019/2020」結果,截至今年五月數據推算,全港擁有千萬元或以上淨資產的「千萬富翁」達到50.4萬人,佔全港相關年齡人口8.4%,其中10.6萬人擁有千萬元或以上流動資產。若果以淨資產值計算,中位數係1,700萬元,比較2018o1,630萬元,有所增加。用「千萬富翁」去描述有錢人,絕對正確,要支持。

 

過去幾千仲有D金融機構用「百萬」去形容富翁,真係畀人算。劉晨三十多年前已經聽到前輩指點,「百萬」點算富翁呀,有間樓仔已經有「百萬」,「百萬」咁普及,掟個招牌落o黎都中幾件,話「百萬富翁」會畀人笑無知!

 

以劉晨呢類霉友,斷估都有「百萬」淨資產,算唔算富翁,當然唔係,會畀人講醜甩耳仔餸燒酒,無地置容!揸住一百萬,只會覺得搵朝唔得晚,o係街上走糴為口奔馳,點叫得「富翁」,自己都覺得醜!

 

現時升級至「千萬富翁」,o岩聽啦,起碼自己唔係,無謂打腫塊面扮人肥,畀人笑到面黃,窮人就係窮人,唔好舢舨充炮艇,沉船當潛艇。

 

想起已故報壇名人岑才生話齋,做老細好容易,你請我飲杯奶茶,我叫你老細!有在場朋友細細聲講,才哥你咪玩班細o架啦,細路仔受唔起,兼會畀通行笑到拉柴,我地邊敢無大無細呀!呢個古仔咁接近四十年。

 

 

 

你可能感興趣的文章

House730搵楼大本营是香港的搵楼平台/租屋网,齐集香港楼盘及楼市资讯,网罗业主及各大中小型地产代理的楼盘,助用户找到心水香港楼盘,网上搵楼买楼更轻松。
House730同时提供一个渠道,予地产代理及业主网上放盘平台,自由、方便、高效,网上推送笋盘给潜在买家!
House730云集香港各类型楼盘资讯,包括香港新楼盘或是二手楼、港九或是新界、住宅或是工商业大厦,务求为用户提供最全面的楼盘资讯。
House730旨在为香港用户提供最优质的使用体验,不论买楼或是租楼,用户可按楼盘的价钱、面积、房数、真实照片等等条件拣选合适楼盘。
除了多个香港楼盘资讯外,House730亦提供不同类型的楼市资讯,包括地产新闻、成交数据等等,让你成为精明买家或租户。

请先登入或注册成为会员