近日受武漢肺炎影響，有人想趁樓價微跌入手上車，但礙於疫情影響減低跨區睇樓的意欲。有專責元朗區的物業代理表示，元朗區一直不乏區外買家，惟早前的社會運動加上近日疫情影響，區外搵樓客多依靠網上平台搵樓，才得以令成交宗數保持平穩，網上平台就一張接觸客人的門票。

利嘉閣物業顧問Iris So表示，由於元朗樓較市區便宜，同樣價錢在元朗區買到面積較大的單位，也令元朗區的客源變得多元化，除區內客外，也不乏外區客；雖然門口廣告都會吸到客，但買家主要是透過網上平台搵樓，比較方便、快捷，又可以隨時隨地搵到樓，通常在放工時間最多客會聯絡查詢。

她引述早前一宗成功個案，就是外區客透過House730平台搵樓，留意到當區「尚悅」一個單位而聯絡她，雖然未有「扑錘」，但可以根據他們的需要及心目中價錢，推介其他樓盤，同時睇過幾次樓，最終返回「尚悅」覓得另一款間隔的單位，成功協助他們上車。Iris形容，「House730就好似一張『票』，起碼可以接觸到個客，了解佢哋需要，再推介其他單位俾佢哋，加快佢哋買樓上車。」

非常時期VR大派用場

Iris更說得知House730平台都有「VR技術」，大讚此技術在非常時期能大派用場。「好似之前社會運動，外區客唔多敢入嚟元朗，又或者依家肺炎疫情嚴峻，外區客少咗入嚟，業主又唔敢開門俾人入去睇樓，所以VR就好方便，可以俾搵樓客望吓個單位先，有時我更會提供單位圖則，俾佢哋研究吓，真係啱心水先入嚟睇。」