受到歐債危機擴大的影響，二手樓市成交偏軟。買賣雙方拉鋸，買家藉口減價，業主堅決企硬。再者，九龍市區熱門新盤「喜雅」快將推售，成為市場焦點，盡吸購買力。

剛過去的周六日，十大屋苑錄得21宗買賣，較上周的24宗，再減3宗。數字連續二周低企，反映歐債危機擴大後，二手買賣程拉鋸現象。二手市場不乏睇樓客，但藉機要求減價。大部份業主企硬不減，只有少數就範，形成交投偏軟。

歐債危機並沒有打擊入市意慾，雖然遇上大雨，二手睇樓客不缺。新盤喜雅開放示範單位，吸引以萬計的參觀市民。參觀者寄望房協貼近市價開售，搶購市區難得筍盤。即市場並非無買家，只不過沒有幾個業主願意「平售」。

十大屋苑中，有五個錄零成交，買賣僵局有待突破。今天喜雅公佈首張價單，將成為市場焦點。如果建築面積呎價七千到九千元，將可吸引不少買家入票申購。