樓市低價成交已成新常態，不但分析員，物業代理睇淡樓市，連玄學家都話樓市下跌，有玄學家同我講，樓市仲有排跌，我應該賣走一些物業，以策安全，我覺得很奇怪，玄學家與我非親非故，點解話比我知樓市仲有排跌，唔怕洩漏天機，後果好嚴重。

樓市下跌是既定事實，我亦不能反駁，但我們要睇樓市下跌之後成交量，大幅增加當然不妙，就算不升不跌亦不是好消息，如果成交量大幅減少，樓市有望轉勢，掉頭回升。

在今年第二季，大家對樓市並非睇得那麼淡，有部份評論員，包括小弟在內，認為今年樓市有5-10％升幅，到了第三季，形勢轉變，大家一面倒唱淡，我獨力難支大廈，但我發覺一件事，就是第二季二手樓成交量有一萬另幾百宗，但到了第三季，成交量只得六千多宗，代表要賣樓的人大幅減少，樓市亦準備回升，雖然差不多全部評論員都認為第四季樓市會繼續下跌，但我反而認為樓市有機會調頭回升，就算不能做到，最低限度都可以保持平穩，另外由於樓市下跌，會出現一個契機，就是政府有機會撤銷國內人士來港買樓的30％印花稅，甚至放寬逆週期措施，如果願望成真，樓市想跌都難，我只是按自己的理解分析，不是洩漏天機，不擔心上天懲罰。