負資產梗係無好過有

專家分享 - 價勢堂 劉晨

日期 :2018-05-11 更新時間 :2020-11-30


香港金融管理局公佈,受訪認可機構在本年首季,並無錄得任何負資產住宅按揭貸款個案。負資產梗係無好過有,想人地負資產會被視作係心地唔好,做人最好咪有Do既思維。

 

樓價升到唔清唔楚,有人仇富係自然現象,否則就唔會有咁多乜乜主義物物主義。但是,搵勻全世界都未見到有一種主義係完美o既,從而發覺乜鬼政治經濟主義都係甩甩漏漏,又互相衝突。若果有人提出佢套政治濟觀念係完美o既,呢條友唔係吹水就係黐線,當佢係「九龍城米舖-----------信二成」好啦!

 

負資產十幾年前好多人都領教過,幾乎當年所有有樓o既人都瀨o野,幾經艱苦先至全部脫離險地。所以唔好希望人地負資產,事關等到人人都做負資產,即係人人都唔得掂,你亦趴街之時,叫救命都無人幫到你,因為個個都自顧不暇,愛莫能助。

 

一個人點叻,都唔可能一個打一萬個,一定要有人幫你手,否則孤掌難鳴一定輸硬。做人更加唔可以心地唔好黑心,成日想人地點點點衰,有時間不如幫自己點點點好好過,賺多D錢,搵好D健康,好D對待會照顧自己o既親戚朋友。

 

想見到負資產即係想樓市跌,咁樣係要人陪葬,係心地唔好。不如諗計令到自己發達好過。等到有一日你能夠幫到別人,人地當你神咁拜,不過當然要揀過啦,你估係人都值得幫咩!若果自己又發埋達,你唔想幫人,點做都印印腳,更加唔使受人二分四睇人面色。

 

 


 

你可能感興趣的文章

House730搵樓大本營是香港的搵樓平台/租屋網,齊集香港樓盤及樓市資訊,網羅業主及各大中小型地產代理的樓盤,助用戶找到心水香港樓盤,網上搵樓買樓更輕鬆。
House730同時提供一個渠道,予地產代理及業主網上放盤平台,自由、方便、高效,網上推送筍盤給潛在買家!
House730雲集香港各類型樓盤資訊,包括香港新樓盤或是二手樓、港九或是新界、住宅或是工商業大廈,務求為用戶提供最全面的樓盤資訊。
House730旨在為香港用戶提供最優質的使用體驗,不論買樓或是租樓,用戶可按樓盤的價錢、面積、房數、真實照片等等條件揀選合適樓盤。
除了多個香港樓盤資訊外,House730亦提供不同類型的樓市資訊,包括地產新聞、成交數據等等,讓你成為精明買家或租戶。

請先登入或註冊成為會員