估得到仲係侵侵咩!

專家分享 - 價勢堂 劉晨

日期 :2020-10-08 更新時間 :2020-11-30


本週二,美股反覆低收,三大指數跌逾1%。全因美國總統特朗普叫停同民主黨繼續磋商刺激經濟方案,直至大選後至算。消息拖累美股由升轉跌。事實上,侵侵不嬲係估佢唔到,好似佢中新型肺炎咁,三幾日又番得去白宮,簡直神奇。

 

侵侵登基咁耐,真係鑊鑊新鮮,好難估到佢會做乜,唯有做觀眾睇,同埋估個趨勢做投資。若果用正路思維去睇佢,有金山銀山都輸死。不過佢叫停與民主黨繼續磋商刺激經濟方案,劉晨就唔覺得出奇,事關達成協議,都係平分春色,侵侵無大份著數,佢唔傾絕對有奶油,甚至有牛油,豬油都得。

 

仲有,美國近期經濟數據好似真係轉好,暫時頂得住,唔使落咁重落亦係正路。

 

同時,聯儲局主席鮑威爾表示,美國經濟距離復甦仲差好遠,若果未能有效控制疫情,經濟可能再度下滑。雖然聯儲局咁o既態度,係反映美國經濟仲有不明朗。

 

但是,侵侵自己又行得番出o黎,呢個疫症未必控制唔到。仲有疫情發展咁多個月,病毒家陣唔知去到第幾代,應該無第一二代咁惡死,治愈率亦提高。可以肯定,仲係不明朗情況之下,聯儲局唔會亂咁加息,低息環境繼續,佢地自己都話超低息期去到2023年,爭在你信唔信。三年超低息期,相等於超過廿五年o既按揭供款期一成時間以上,食得點解要o徙,實有唔少人買樓作投資自己。若果搏到多三幾年低息,低息供款又多幾年,又著數o左!有得食唔食,罪大惡極!

 

 

你可能感興趣的文章

House730搵樓大本營是香港的搵樓平台/租屋網,齊集香港樓盤及樓市資訊,網羅業主及各大中小型地產代理的樓盤,助用戶找到心水香港樓盤,網上搵樓買樓更輕鬆。
House730同時提供一個渠道,予地產代理及業主網上放盤平台,自由、方便、高效,網上推送筍盤給潛在買家!
House730雲集香港各類型樓盤資訊,包括香港新樓盤或是二手樓、港九或是新界、住宅或是工商業大廈,務求為用戶提供最全面的樓盤資訊。
House730旨在為香港用戶提供最優質的使用體驗,不論買樓或是租樓,用戶可按樓盤的價錢、面積、房數、真實照片等等條件揀選合適樓盤。
除了多個香港樓盤資訊外,House730亦提供不同類型的樓市資訊,包括地產新聞、成交數據等等,讓你成為精明買家或租戶。

請先登入或註冊成為會員