新型冠狀病毒疫情於三月進一步擴散，新盤開售步伐也再次放慢。然而，二手樓市場卻靜靜地起革命，剛性需求帶動用家積極網上搵盤，睇啱心水盤才登門睇樓。地產代理Maggie一向是House730的忠實用家，於三月便透過House730平台促成了兩個單位合共過千萬元的成交，印證疫市有運行。

中原地產南昌分行的地產代理Maggie，三月透過House730平台成功做成兩單交易，兩個盤分別為荔景浩景臺及長沙灣嘉美中心，買家均為同區用家。

「浩景臺放盤是三房高層單位，實用面積630平方呎，我於一月底放盤上House730平台，之後都有不同客聯絡我睇樓。直至二月底，一位30多歲的買家在網上看到放盤後Whatsapp我，由於是鎖匙盤，我即時可約客去睇。他們一家三口，是區內換樓客，第二個BB亦將出世，想換入三房單位，他們看了一次後已很喜歡這單位。」Maggie指有介紹其他單位給這位客人選擇，但最後他們還是買了浩景臺，議價後以725萬元成交，由睇樓到達成交易歷時約三周。

睇樓一次即日成交

同月，Maggie再促成了嘉美中心一個首置客的買盤：「今次的單位是個360多平方呎連平台特色單位。三月初買家在House730見到這個放盤，便打電話給我，我即約業主開門睇樓。這位客人是一個30歲出頭的女仔，首置上車自住，之前與父母同住。今次更是一睇即成，我即場幫買家及業主商討價格，較開價平了20萬元，以500萬元成交，過程非常順利。」Maggie指因為這個盤有靚裝修，買家基本上拖喼入去可即住，故一看便很喜歡即成交。

Maggie可說是看着House730成長，她於去年平台剛成立已開始試用，現在更有約一半網上客源來自這平台。「去年House730平台面世後我已開始放盤上去，隨著平台多了廣告及愈來愈多人知，現在放盤反應非常好，一般而言放上去一周內已有客找上門。」

對於House730平台的各項功能，Maggie就特別提及VR：「我有找House730拍VR，拍攝同事好準時同快手。這些VR多數吸引到後生仔睇，因為他們較喜歡上網找盤。來自網上平台的客人，都是約30多歲較年青的一群，他們習慣透過網上平台找盤。」

八成客源來自網上平台

「我現在的客源達八成來自網上平台放盤，兩成是Walk-in客，當中來自House730的客佔我網上客源一半。House730真係好幫到我找客及促成交易，現在我的放盤量算多，約40多個盤同時放著，單位覆蓋地區由荔景、美孚、四小龍、南昌等一帶都有，樓價從300多萬至過千萬元不等，可迎合不同類型的客人。」

記者一聽到同一期間放盤達40多個盤都有點驚訝，加上當日做訪問時間是晚上九點多Maggie收工後，便好奇一問日間她是否接來自網上客人的查詢都已好唔得閒，她更笑著說：「都係㗎。」